У Мінску пачалося слуханне па справе Аляксандра Коржыча

22 вайскоўцы прызнаныя пацярпелымі, і гэта не поўны спіс пацярпелых падчас службы. Мінскі абласны суд у выязным судовым пасяджэнні ў будынку Маскоўскага раёна пачаў судовы разгляд крымінальнай справы па факце смерці Аляксандра Коржыча. На лаве падсудных трое вайскоўцаў навучальнага цэнтра ў Пячах: Яўген Бараноўскі, Ягор Скуратовіч і Антон Важэвіч.

Ім высунутыя абвінавачанні адразу па трох артыкулах Крымінальнага кодэкса: "Перавышэнне ўлады, якое пацягнула цяжкія наступствы - давядзенне да самазабойства", "Атрыманне хабару" і "Крадзеж". На працэсе прысутнічаюць мама і бабуля загінуўшага салдата. Таксама сёння ў суд з'явіліся 22 вайскоўцы, але гэты няпоўная колькасць пацярпелых. Астатнія будуць выкліканыя на працэс пазней. Абвінавачаным па справе пагражае ад 5 да 12 гадоў пазбаўлення волі.