У Мінску павялічылася колькасць ДТЗ

Небяспечныя выхадныя атрымаліся на сталічных дарогах. У Мінску павялічылася колькасць ДТЗ. У здарэннях адзін вадзіцель траўміраваны, аднаго не ўдалося выратаваць. Як правіла, сутыкненні адбываюцца на ажыўленых цэнтральных артэрыях сталіцы. Супрацоўнікі аўтаінспекцыі рэкамендуюць падчас змены надвор'я звяртаць асаблівую ўвагу на стан дарожнага пакрыцця - правільна разлічваць тармазны шлях і быць акуратнымі пры манеўраванні.

Працягваецца ў Мінску і рэспубліканская акцыя "Пешаход". Увагу аўтамабілістаў звяртаюць на пешых удзельнікаў дарожнага руху. З вадзіцелямі праводзяць прафілактычныя гутаркі, а дзецям уручаюць флікеры.