У Віцебскай вобласці ўлабавую сышліся легкавушка і турыстычны аўтобус

Сур'ёзнае ДТЗ адбылося ў Віцебскай вобласці. Адзін чалавек загінуў, сярод пацярпелых ёсць дзеці. У Лёзненскім раёне ўлабавую сышліся легкавушка і турыстычны аўтобус. Паводле звестак Следчага камітэта, вадзіцель Renault, падчас абгону на трасе Віцебск - Гомель, выехаў на сустрэчную паласу, па якой ехаў экскурсійны транспарт. Пазбегнуць удару не атрымалася. 31-гадовы мужчына, які сядзеў за рулём легкавушкі, загінуў. Вядома, што ўсяго ў аўтобусе, знаходзіліся 42 чалавекі. Практычна ўсе грамадзяне Расіі, якія прыехалі на экскурсію.
Вадзіцель турыстычнага транспарта і яго пасажыры (сярод іх чацвёра дзяцей) з рознымі траўмамі шпіталізаваны. Ім аказваюць дапамогу медыкі абласной клінічнай бальніцы. На дапамогу ўрачам выехалі хірургі і траўматолагі рэспубліканскага ўзроўню. Папярэдні агляд паказаў, што 6 пасажыраў знаходзяцца ў цяжкім стане, 18 - сярэдняга цяжару. У астатніх траўмы лёгкай ступені.