Учора ў Драгічыне ратавалі чацвёртакласніка

Гарачыя дні зараз і ў ратавальнікаў. Рыбакі і дзеці не хочуць чакаць трывалага лёду. У выніку няшчасныя выпадкі. Учора ў Драгічыне ратавалі чацвёртакласніка. Хлопчык і яго старэйшы брат пайшлі на возера катацца на каньках. Малодшае дзіця патрапіла ў палонку і правалілася пад лёд. На крыкі аб дапамозе падаспелі мясцовыя жыхары і дасталі яго з вады. А ратавальнікі пры дапамозе спецыяльнага прыстасавання выцягнулі пацярпелага на бераг, перапранулі і перадалі на агляд брыгадзе медыкаў. Школьнік шпіталяваны з папярэднім дыягназам "агульнае пераахаладжэнне".