Падчас аварыі ў Стаўбцоўскім раёне пацярпелі 6 чалавек

Снежныя заносы і няпростыя дарожныя ўмовы прывялі да павелічэння колькасці ДТЗ. Падчас аварыі ў Стаўбцоўскім раёне пацярпелі шэсць чалавек, сярод якіх двое дзяцей сямі і васьмі гадоў. Сутыкнуліся легкавое аўто і грузавік. Жанчына-вадзіцель на Volvo няправільна выбрала хуткасць руху, не справілася з кіраваннем, машыну занесла. У выніку здарылася сутыкненне з аўтамабілем МАЗ. Вадзіцель легкавой машыны і пяць пасажыраў з рознымі траўмамі шпіталізаваны.