Падчас ДТЗ у Мінску загінуў малады чалавек

Аварыя адбылася ноччу на вуліцы Паўлоўскага. Жыхар Маладзечна не справіўся з кіраваннем і вылецеў за межы праезнай часткі. Пасля гэтага аўтамабіль “мазда” ўрэзаўся ў дрэва. У выніку сутыкнення вадзіцель загінуў. Следам ехала яшчэ адна машына - аўто таксама з'ехала з дарогі. Пацярпеў пасажыр. Паводле слоў супрацоўнікаў ДАІ, усе ўдзельнікі аварыі былі знаёмыя і напярэдадні ўжывалі спіртныя напоі. Па факце ДТЗ праводзіцца праверка.