Узгаранне на МТЗ: пажар ліквідаваны

Пажар на МТЗ атрымалася ліквідаваць за паўгадзіны. Інцыдэнт адбыўся сёння раніцай у прэсавым цэху. Інфармацыя аб гэтым паступіла на гарачую лінію ў 9:15. Пазней высветлілася, што загарэлася фарбавальная камера, а затым і дах будынка на плошчы 60 кв.м. у фарбавальным участку цэха. На месца былі накіраваныя дзве аўтацыстэрны, ратавальнікам спатрэбілася прыкладна паўгадзіны, каб справіцца з узгараннем. Пацярпелых няма, эвакуацыя персаналу не спатрэбілася. Прычына пажару пакуль не называецца.