Снег, які выпаў за апошнія суткі, стаў прычынай некалькіх ДТЗ

У Светлагорскім раёне побач з мемарыяльным комплексам "Баграціён" перавярнулася маршрутнае таксі. Мікрааўтобус рухаўся ў бок пасёлка Парычы і апынуўся ў кювеце. Паводле папярэдняй інфармацыі, пацярпелі чатыры чалавекі. З іх двое дзяцей.

І яшчэ адно ранішняе ДТЗ з пераваротам, зараз ужо ў Мінску. Вадзіцель аўтамабіля "Фальксваген-Пола" рухаўся па Лесапаркавай вуліцы, няправільна выбраў хуткасць і вылецеў у кювет. Там машына перакулілася. На шчасце, пацярпелых няма.