Высвятляюцца акалічнасці лабавога ДТЗ у Слонімскім раёне

Лабавое ДТЗ у Слонімскім раёне. Сёння днём вадзіцель Opel, здзяйсняючы абгон грузавіка, не разлічыў хуткасць і адлегласць. Машына сутыкнулася з сустрэчным BMW, у якім ехала жанчына, яе 16-гадовая сястра і яшчэ двое дзяцей двух і трох гадоў. Малыя былі ў спецкрэслах. Усе яны пацярпелі. Таксама траўмы атрымалі расіянка - пасажырка "опеля", яе сямігадовы сын і трыццацігадовы сын вадзіцеля. Верагоднаму віноўніку аварыі шпіталізацыя не спатрэбілася. Акалічнасці ДТЗ высвятляюцца.