Высвятляюцца акалічнасці сутыкнення двух легкавых аўто ў сталіцы

Аварыя здарылася на скрыжаванні вуліцы Філімонава з завулкам Макаёнка. Жанчына вадзіцель"Чэры" ехала ў напрамку вуліцы Парніковай і сутыкнулася з машынай "Лада", што рухалася ў сустрэчным напрамку. У выніку першае аўто адкінула ў слуп, жанчына не пацярпела. А вось вадзіцеля "Лады" шпіталізавалі, папярэдне - з пераломамі.

І яшчэ адно сутыкненне: на вуліцы Ваўпшасава не размінуліся грузавік і трактар. Вадзіцель аўтамабіля "Даф" рухаўся ў напрамку вуліцы Радыяльнай і сутыкнуўся з трактарам, які ехаў у сустрэчным напрамку і паварочваў налева. Пацярпелых няма. Прычыны аварыі высвятляюцца