Выбух газу ў Мінску: трое пацярпелых у рэанімацыі

Стан траіх пацярпелых пасля выбуху ў кватэры жылога дома па вуліцы Кальцова медыкі ацэньваюць як стабільна цяжкі. З апёкамі пацыенты былі шпіталізаваныя ў бальніцу хуткай медыцынскай дапамогі ўчора ўвечар. Трое мужчын зараз знаходзяцца ў рэанімацыі пад назіраннем дактароў.

Выбух і пажар у кватэры ў адным з жылых дамоў у Зялёным Лузе адбыўся ўчора ўвечар. Крыніцай выбуху мог стаць самагонны апарат. Гарадскія службы займаюцца аднаўленнем пашкоджанага будынка: сёння да канца дня ў пад'ездзе замест пабітых вокнаў паставяць новыя, заменяць вокны, якія выпалі або лопнулі, у некалькіх кватэрах. Прывядуць у парадак і дзверы ў пад'езд.