Завершана расследаванне крымінальнай справы ў Мінску на вуліцы Макаёнка

Паводле звестак следства, 2 лістапада каля гадзіны ночы п'яны мінчанін падышоў да двух міліцыянераў і стукнуў аднаго з супрацоўнікаў. Пасля чаго аказаў супраціўленне падчас затрымання. Яму прад'яўлена абвінавачанне па артыкуле "Гвалт у дачыненні супрацоўніка органаў унутраных спраў, а таксама супраціўленне супрацоўніку міліцыі з ужываннем гвалту". Абвінавачаны заключаны пад варту. Крымінальная справа перададзена пракурору для накіравання ў суд.

Таксама Генпракуратура накіравала ў суд Гомельскай вобласці крымінальную справу аб падрыхтоўцы да ўдзелу ў масавых беспарадках. Паводле матэрыялаў справы, актывіст руху "Краіна для жыцця" і адміністратар аднаго з тэлеграм-каналаў разам з паплечнікамі на тэрыторыі Мазырскага раёна вырабіў больш як тысячу металічных вожыкаў. Фігурант збіраўся перадаць іх для выкарыстання падчас масавых беспарадкаў 9 жніўня і ў наступныя дні ў Мінску і іншых гарадах.