Жудасная аварыя ў Івацэвіцкім раёне забрала жыцці чатырох чалавек

Чатыры чалавекі загінулі ў буйным ДТЗ у Івацэвіцкім раёне. Па даных следства, сёння каля трох гадзін ночы на трасе Брэст-Масква 41-гадовы вадзіцель легкавушкі не справіўся з кіраваннем і выехаў на сустрэчную паласу, дзе здзейсніў лабавае сутыкненне з мікрааўтобусам. У выніку ДТЗ вадзіцель і трое пасажыраў легкавушкі загінулі на месцы. Яшчэ двое мужчын зараз у бальніцы.