Вяснова-палявыя працы пачаліся ў Мінскай вобласці

Вяснова-палявая эстафета пачаласяў палях Мінскай вобласці! "Аграмарафон" адкрылі шматгадовыя травы (пераважна ў паўднёвых гаспадарках). Разам з гэтым ва ўсіх раёнах уносяць арганічныя ўдабрэнні і падкормліваюць зялёныя ўсходы. У гаспадарцы "Шчэпічы-Агра", напрыклад, апырсквальнікі выйшлі раней чым звычайна. Азотам насычаюць пасевы азімай пшаніцы - гэта звязана з пазнейшымі тэрмінамі сяўбы. Каб падтрымаць рост і правільнае развіццё збожжавых, уносяць па 60 кілаграмаў рэчыва. Чакаюць ад збожжавых у гэтым сезоне не менш як 80 цэнтнераў з гектара.

Мінеральныя ўдабрэнні ўносяць за два этапы, затым хімпраполка. Так, завяршыць "уходавы комплекс" пры добрым надвор'і плануюць за 10 дзён. Усяго ў гаспадарцы Клецкага раёна толькі пад азімымі культурамі амаль 2 тысячы гектараў, у тым ліку і рапсавыя плантацыі. Яшчэ паўтары тысячы трэба засеяць ярыной.