У Мінску матацыкліст трапіў пад колы фуры, у Салігорскім раёне трактар сутыкнуўся з грузавым аўто

Матацыкл трапіў пад колы фуры. Прычынай аварыі стаў вадзіцель аўтамабіля MAN, які пры выездзе з двара на вуліцу Бабушкіна не прапусціў двухколавы транспарт. У выніку ДТЗ матацыкліст з траўмамі шпіталізаваны. Па факце сутыкнення праводзіцца праверка.

Яшчэ адно ДТЗ у Салігорскім раёне. Ратавальнікі вызвалілі вадзіцеля грузавіка. Паблізу вёскі Ясковічы трактар сутыкнуўся з грузавым аўтамабілем. Ратавальнікі прадухілілі ўзгаранне транспартных сродкаў.

Вадзіцеля грузавіка шпіталізавалі. Другому ўдзельніку ДТЗ першую дапамогу аказалі на месцы.