Нацыянальныя касцюмы розных куткоў Беларусі на экспазіцыі ў Мінску

Кашуля, спадніца, абхінанка і фартух - як дадатковы жаночы абярэг. Праз нацыянальныя касцюмы розных куткоў Беларусі экспазіцыя ў музеі гісторыі беларускай літаратуры знаёміць з самабытнасцю нашай спадчыны. Кожны рэгіён мае сваю гісторыю і непаўторную культуру. Выстава дае ўнікальную магчымасць убачыць усе дробязі, модныя аксесуары, арнамент і фасоны дзявочых і жаночых нацыянальных строяў Кобрынскага, Бярэзінскага, Ляхавіцкага, Калінкавіцкага і Маларыцкага раёнаў Беларусі.

У дапаўненне экспазіцыі - маляваныя дываны і калекцыя рушнікоў, а таксама прадметы ткацтва, вырабы з саломы, гліны, лазы і бяросты.