Тэматычную дзіцячую пляцоўку адкрылі ў Мінску

Даведацца асновы бяспекі праз гульню. Тэматычную дзіцячую пляцоўку адкрылі сёння ў Мінску - арэлі, машынкі, горкі і пясочніцы - усе элементы гульнявога комплексу нагадваюць пра службу выратавання. Дарэчы, сёння ў "бяспечным гарадку" працавалі навучальныя інтэрактыўныя зоны. Дзеці маглі пасядзець за рулём пажарнай машыны і квадрацыкла, прайсці тэст на веданне правіл бяспекі, а таксама прымераць форму ратавальнікаў.

Новая гульнявая зона размясцілася ў двары шматкватэрных дамоў у Партызанскім раёне. Усяго ж у сталіцы пяць такіх комплексаў.