У Мінскай вобласці працягваюць працаваць дыскусійныя пляцоўкі

У Мінскай вобласці працягваюць працаваць дыскусійныя пляцоўкі па абмеркаванні актуальных пытанняў развіцця краіны і рэгіёнаў. Дэпутаты розных узроўняў, кіраўнікі арганізацый і прадпрыемстваў сёння сабраліся ў Салігорску. Сярод тэм - новыя формы сацыяльнай падтрымкі насельніцтва. Роля прафесійных саюзаў і іх эфектыўнасць у вырашэнні праблем працоўных. У прыватнасці гучала прапанова вярнуць прафсаюзам заканадаўчую функцыю. Акрамя таго актыўна дыскуціравалі і па пытанні ролі парламента, а таксама размеркаванні ўлады на месцах.

Адзначым, аналагічныя дыскусійныя пляцоўкі, дзе ёсць магчымасць выказацца і пачуць розныя меркаванні, на наступным тыдні пройдуць у Нясвіжы і Барысаве.