У цэнтры экалогіі і краязнаўства зімуюць кажаны

Сваё халоднае, але ўтульнае месца для зімоўкі ў Мінску знайшлі... кажаны. Для іх у Рэспубліканскім цэнтры экалогіі і краязнаўства арганізавалі камфортнае прабыванне - яны спяць у мяшочках у халадзільніку. У гарадах кажаны могуць зімаваць на балконах і ў пад'ездах. Але патрывожаныя чалавекам ці перападамі тэмператур мышкі прачынаюцца. Што можа прывесці да іх гібелі. Перад тым як адправіць мыш на зімоўку, яе апрацоўваюць і ўзважваюць. Раз у два тыдні падапечных аглядаюць. З 19 відаў кажаноў, якія жывуць у нашай краіне, восем занесены ў Чырвоную кнігу.

У цэнтры экалогіі на зімоўку могуць прыняць да 150 рукакрылых. У пачатку вясны ўсе падапечныя вернуцца на волю. Для бяспекі кажаноў, якія рана прачнуліся, іх раяць перадаваць супрацоўнікам цэнтра.