Мінская вобласць і Сагдыйская вобласць Таджыкістана сталі бліжэй

Беларускі лён і таджыкская бавоўна - як сімвалы дружбы. На гэтым тыдні Мінская вобласць і Сагдыйскай вобласць Таджыкістана сталі бліжэй. І вось што новага ў гандлёва-эканамічных адносінах: ужо рэалізуецца сумесны праект - гэта будаўніцтва малаказавода. Таджыкі зацікаўлены ў нашай тэхніцы, а таксама бульбе. У сваю чаргу лёгкай прамысловасці Беларусі патрэбна бавоўна, а фармацэўтам - лекавыя травы, на якія багаты азіяты.

РасказваеАляксей Кандраценка. Трыста сонечных дзён за год, велічныя вяршыні і чыстая, як крышталь, вада. Больш за 90 % тэрыторыі Таджыкістана - гэта горы. Клімат - гарачы. І нават у такіх умовах у краіне развіваецца сельская гаспадарка. Толькі ў адной Сагдыйскай вобласці сёлетні ўраджай садавіны - адзін мільён тон.

Ёсць неабходнасць палепшыць і вытворчасць бульбы. Па парады і насенне другога хлеба, якое адаптавана да спякотнага клімату, госці з Таджыкістана прыехалі да беларускіх вучоных. У нашых навукоўцаў ужо ёсць вопыт працы ў сярэдняй Азіі.

Яшчэ адна сфера інтарэсаў - вырошчванне і перапрацоўка бавоўны. "Белае золата" - багацце сярэднеазіяцкага рэгіёна. Толькі ў Сагдыйскай вобласці сёлета атрымалі 130 тысяч тон баваўнянага валакна. Аднак для вырабу адзення толькі яго аднаго не дастаткова.

Увогуле ў Таджыкістане вельмі развітая швейная вытворчасць. У асноўным сыравіна, гэта, вядома, мясцовая бавоўна. Але ёсць і цікавасць да тканін, што вырабляюць у Беларусі.

На сталічным "Камволі" таджыкі вывучылі вопыт арганізацыі вытворчасці тэкстыльнай прадукцыі з воўны, а таксама магчымасць яе экспарту ў свой рэгіён. Сумесныя праекты абмяркоўвалі і ў Мінскім аблвыканкаме. Сферы ўзаемных інтарэсаў - малочная прадукцыя: сумесны беларуска-таджыкскі праект ужо рэалізуецца. А таксама фармацэўтыка.
Візіт беларусаў у гэтую краіну супадзе з Наўрузам - усходнім Новым годам.