У Барысаве шэсць дрэў прымералі вязаныя ўборы

Сагрэць навакольны свет сваёй творчасцю і размаляваць гарадскі пейзаж. У Барысаве шэсць дрэў прымералі вязаныя ўборы. Цёплыя аксесуары стварылі супрацоўнікі цэнтральнай раённай бібліятэкі разам з гараджанамі. Апранаць дрэвы ў своеасаблівыя світары стала папулярным у многіх краінах. Рознакаляровай пражай таксама абмотваюць лаўкі, дзіцячыя арэлі, ліхтары. Такое вулічнае мастацтва называецца ярнбомбінг. Вязаныя "шалікі" будуць саграваць дрэвы ў Барысаве і радаваць гараджан да надыходу вясны.