Значнымі падзеямі адзначаны тыдзень на Магілёўшчыне

Сагдыйская вобласць Таджыкістана і ўсходні рэгіён Беларусі маюць намер пашырыць супрацоўніцтва. Магілёў далучыўся да рэспубліканскай патрыятычнай акцыі "У славу агульнай Перамогі". Абласны цэнтр народнай творчасці адзначыў юбілей.

Значнымі падзеямі адзначаны тыдзень на Магілёўшчыне. Андрэй Ястрабаў з падрабязнасцямі.Сагдыйская вобласць Таджыкістана і Магілёўская маюць намер пашырыць супрацоўніцтва ў галіне эканомікі і турызму. Для гэтага ёсць велізарны патэнцыял і зацікаўленасць абодвух бакоў. Першым крокам стане стварэнне дарожнай карты - бізнес-плана. Сёлета Таджыкістан атрымаў мільён тон ураджаю, у тым ліку персікаў і гранатаў. Прапанавана стварыць сумесныя прадпрыемствы па перапрацоўцы, у тым ліку птушкі і рыбы. Кіраўніцтва азіяцкага рэгіёна гатова пазбавіць такія сумесныя праекты ад падаткаў. Магілёўская вобласць бачыць патэнцыял і ў развіцці экспарту.

Магілёў далучыўся да рэспубліканскай патрыятычнай акцыі "У славу агульнай Перамогі" па зборы зямлі з брацкіх пахаванняў часоў Вялікай Айчыннай вайны ў спецыяльныя капсулы. Яны ў наступным годзе будуць закладзены ў храм Усіх Святых у Мінску. Урачыстае мерапрыемства прайшло і ў скверы імя Лазарэнкі абласнога цэнтра ля абеліска ў гонар байцоў народнага апалчэння, якія былі расстраляныя фашыстамі ў ліпені 1941. З 60 герояў вядомы імёны толькі 10. Хвілінай маўчання іх памяць ушанавалі школьнікі і прадстаўнікі грамадскіх аб’яднанняў.

80 гадоў захоўвае вытокі нацыянальнай культуры. Магілёўскі цэнтр народнай творчасці прымае віншаванні з нагоды юбілею. Тысячы майстроў і самабытных калектываў, рамёствы, якімі захапляюцца госці краіны. Дзякуючы фестывалям, якія набылі міжнародны размах, ("Александрыя збірае сяброў") з падворкамі, дзе з задавальненнем навучаць сплесці, выкаваць альбо саткаць сваімі рукамі сувеніры. Выканаўцы з песнямі малой радзімы, якія спявалі яшчэ бабулі і дзядулі. "Вянок сяброўства" ў Бабруйску, "Прыпеўкі" ў Слаўгарадзе, "Рыцарскі фэст" у Мсціславе. Багаж назапашаны велізарны, якім паспяхова дзеліцца рэгіён. З нагоды юбілею лепшыя майстры вобласці атрымалі спецыяльныя ўзнагароды.