У Берліне эвакуіравалі цэлы раён праз бомбу

Нямецкія сапёры праводзяць аперацыю па абясшкоджванні бомбы часоў Другой сусветнай вайны. Снарад вагай 25 кілаграмаў выявілі на ўсходзе Берліна ў раёне Хелерсдорф. Улады загадалі эвакуіраваць 13 000 чалавек. На час аперацыі там цалкам перакрылі рух грамадскага транспарту. Адзначым, гэта не першая такога кшталту знаходка ў Германіі. Дагэтуль там абясшкоджваюць тысячы снарадаў, якія не разарваліся і засталіся ляжаць пасля бамбёжак падчас вайны.