У Парыжы адбылася шматтысячная дэманстрацыя супраць ісламафобіі

Людзі напярэдадні прайшліся маршам ад Паўночнага вакзала ў цэнтры Парыжа да плошчы Нацыі. Паводле самых сціплых падлікаў, дэманстрантаў было не меней за 13 000. Паводле апытанняў, амаль палова французаў-мусульман заяўляе, што хоць бы раз сутыкалася з праявай нецярпімасці і дыскрымінацыі па рэлігійнай прыкмеце. Марш выклікаў крытыку з боку ультраправых. Яны абвінавацілі арганізатараў у стварэнні саюза з ісламістамі і ў сувязях з рухам "Браты-мусульмане", які ў шэрагу краін лічыцца тэрарыстычнай арганізацыяй.