Выбары ў ЗША: падлік галасоў усё яшчэ працягваецца

Фальсіфікацыі, каруселі і мерцвякі, якія галасуюць. Якія суткі ЗША спрабуюць выбраць прэзідэнта. Вярхоўны суд пастанавіў ізаляваць бюлетэні ў штаце Пенсільванія, якія паступілі туды ўжо пасля дня выбараў. Падлікі гэтых галасоў загадваецца весці асобна ад астатніх. Выбаркамы павінны выконваць патрабаванне да далейшых распараджэнняў суда. Такім чынам падлік у ЗША працягваецца ўжо чацвёрты дзень. Задача кожнага з кандыдатаў - дабрацца да запаветных пераможных 270 галасоў выбаршчыкаў. Пакуль расклад такі: Джо Байдэн - 264 галасы, Дональд Трамп - 214. Гэта звесткі Fox News. Дэмакрат некалькі гадзін таму ўжо хацеў было датэрмінова заявіць пра сваю перамогу. Але з гэтым прыйшлося пачакаць да з'яўлення вынікаў з Пенсільваніі. Гэты штат адзін з ключавых, які забяспечвае 20 галасоў выбаршчыкаў.

Па ўсёй тэрыторыі ЗША раз-пораз успыхваюць мітынгі ў падтрымку таго або іншага кандыдата. Так, прыхільнікі Трампа патрабуюць сумленных выбараў, выходзячы пад лозунгамі: "Выбары без фальсіфікацый" і "Спыніце крадзеж!".