Ва Украіне новы максімум смяротнасці ад COVID-19

Зноў нярадасныя рэкорды ва Украіне. Там за суткі заразіліся каранавірусам больш як 23 тысячы жыхароў. Загінулі 614 чалавек. Сітуацыю пагаршае недахоп кіслароду. Два асноўныя вытворцы каштоўнага газу спынілі сваю працу. У краіне часта назіраюцца перабоі ў пастаўках. Зараз улады экстранна шукаюць альтэрнатыўныя крыніцы аксігену. У адваротным выпадку калапсу аддзяленняў інтэнсіўнай тэрапіі не пазбегнуць.