Радыё "Беларусь"
Радыё "Беларусь" з'яўляецца структурным падраздзяленнем Нацыянальнай дзяржаўнай тэлерадыёкампаніі Рэспублікі Беларусь. Нашы пазыўныя
гучаць у міжнародным эфіры з 11 мая 1962 года.
Першапачаткова перадачы выходзілі ў эфір
толькі на беларускай мове. З 1985 года пачалося вяшчанне на нямецкай мове, а ў
1998 годзе радыё пачулі на рускай і англійскай мовах. З 2006 года радыё пачало
вяшчанне на польскай мове. З 2010 года ў эфір сталі выходзіць праграмы на
французскай і іспанскай мовах, з 2013 года - на кітайскай. У 2017 годзе
пачалося вяшчанне на арабскай мове.
Вяшчальная сетка радыё "Беларусь"
сёння - гэта кругласутачнае вяшчанне на дзевяці мовах, даступнае на нашым сайце
ў рэжыме рэальнага часу, а таксама праз спадарожнікі Express AM 8, Azerspace-1,
Azerspace-2 (рэкамендацыі па прыёме глядзіце тут). Акрамя таго, Радыё
"Беларусь" можна слухаць у прыгранічных раёнах у FM-дыяпазоне:
•
Ракітніца – 106.2 МГц
•
Гродна - 95.7 МГц
•
Свіслач – 104.4 МГц
•
Геранёны - 99.9 МГц
•
Браслаў - 107.7 МГц
•
Мядзел - 102.0 МГц
У праграмах радыё:
• навінавыя
і інфармацыйна-аналітычныя матэрыялы;
•
радыёсустрэчы з дзяржаўнымі, палітычнымі, грамадскімі і рэлігійнымі дзеячамі;
вучонымі, пісьменнікамі і музыкантамі, майстрамі мастацтва і народнай
творчасці, спартсменамі;
•
праграмы пра гісторыю, культуру, духоўныя каштоўнасці беларускага народа.
Паказваючы розныя аспекты жыцця дзяржавы, мы
стараемся ўдзяляць увагу і звычайным жыццёвым клопатам беларускай сям'і,
шараговага грамадзяніна. Прыярытэтным напрамкам музычнай палітыкі з'яўляецца
папулярызацыя найлепшых узораў народнай, класічнай і сучаснай беларускай
музыкі.
Радыё дынамічна развіваецца, яно мае сучаснае
абсталяванне, наш калектыў спалучае маладосць і досвед, што дазваляе генераваць
новыя творчыя ідэі і ўвасабляць іх у жыццё.
Наша радыё - гэта крыніца аб'ектыўнай і поўнай
інфармацыі пра Рэспубліку Беларусь!
АДРАС
г. Мiнск, вул. Чырвоная
ТЭЛЕФОН
+375173115873
+375173115837
E-MAIL
radio_belarus@tvr.by
САЙТ
www.radiobelarus.by