"Галоўны эфір" ацаніў маштаб Армейскіх гульняў

З якой хуткасцю беларускія танкісты заехалі ў паўфінал "Танкавы біятлона"? Якія рэкорды б'е Цыцэрон у конкурсе "Дог-біятлон"? І як можна зварыць кашу з сякеры на палявой кухні? "Галоўны эфір" ацаніў маштаб ваеннай алімпіяды.

Міма трыбун беларускі экіпаж праносіцца так, што захоплівае дух. Танк, вагай 45 тон, ляціць з хуткасцю больш чым 70 км за гадзіну. Для "Танкавага біятлона" - гэта практычна рэкорд.

Сёлета ўсе ўдзельнікі "Танкавага біятлона" выступаюць на баявых машынах Т-72. Іх прадстаўляе расійскі бок. Але беларусы кожны год прыязджаюць на ўласнай, мадэрнізаванай тэхніцы. На танках усталяваны звыш дакладны прыцэл "Сасна-У" і рухавік магутнасцю 1 130 конскіх сіл. Усё айчыннай вытворчасці.

Задача экіпажа - як мага хутчэй прайсці трасу, працягласцю больш за 4 кіламетры і паразіць усе мішэні. Бо на коне - выхад у паўфінал. Спякота, клубы пылу ад сухога пяску, рэзкія ўздымы і крутыя спускі - маршрут вельмі складаны. Тым не менш, нават нягледзячы на адно штрафное ачко і дадатковы круг, беларусы ў сваім заездзе, а ў ім удзельнічаюць 7 краін, паказваюць лепшы вынік - 20 хвілін 22 секунды.

У любым заездзе, хто выступае з беларусамі, ведае, што проста так дыстанцыю не прайсці. Гэта тыя, хто ідуць наперадзе, а калі крыху адстануць, увесь час будуць дыхаць у спіну, і на рыўку могуць абысці, таму што падрыхтоўка вельмі сур'ёзная".

Цыцэрон - сабака з характарам. За сваю службу ва Узброеных Сілах Беларусі змяніў не аднаго кінолага. Малодшага сяржанта Яўгена Шатраўко таксама прыняў не адразу.

Але паступова сталі адзін аднаму давяраць, і паўгода сумесных трэніровак далі выдатны вынік. У індывідуальнай гонцы конкурсу "Дог біятлон" Цыцэрон апярэдзіў чацвераногіх сапернікаў з Расіі, Кітая, Ірана, Егіпта і Узбекістана.

У Армейскіх гульнях беларускія кінолагі ўдзельнічаюць ужо трэці год запар. Пераадоленне 300-метровай паласы перашкод, затрыманне парушальніка, індывідуальная гонка, эстафета - па выніках 4-х конкурсаў Беларусь на трэцім ганаровым месцы.

Вынікі вайскоўцаў шмат у чым залежаць і ад збалансаванага харчавання. І беларускія кухары даказалі, палявая кухня - гэта не толькі пярлоўка з тушонкай і макароны па-флоцку. З адной толькі бульбы можна прыгатаваць дзясяткі страў.

Але на конкурсе адышлі ад традыцыйнай бульбы і прадставілі меню, годнае сталічных рэстаранаў. На прыгатаванне абеду з 4 страў адведзена некалькі гадзін. Прычым прадукты ва ўсіх каманд аднолькавыя. А далей у ход ідуць майстэрства і фантазія кухара.

Палявую кухню ад беларусаў журы ацаніла па годнасці. Сярод 16 каманд мы на трэцім месцы. На гэтых Армейскіх гульнях беларусы ўдзельнічаюць у 16-ці з 28-мі конкурсаў. І ўсюды паказваюць высокі вынік. Пакуль сярод 32 краін, мы чацвёртыя, але наперадзе яшчэ цэлы тыдзень спаборніцтваў. І ў Беларусі ёсць усе шанцы ўвайсці ў тройку лідараў.