На тыдні Аляксандр Лукашэнка з камандай памочнікаў збіраў ураджай на сваім падворку

Беларускія аграрыі працягваюць збіраць ураджай з палёў. І калі збожжавыя ўжо ў засеках, то ўборка другога хлеба зараз у самым разгары.

У параўнанні з мінулым годам праца ідзе хутчэй. Мы, дарэчы, сталі менш закупліваць агародніны (у прыватнасці, бульбы) за мяжой. Добрых вынікаў чакаюць і ад збору бахчавых культур. Перш за ўсё, кавуноў - іх плануюць убраць 500 тон. У гэтым сезоне салодкі плод высадзілі на плошчы 26 гектараў. У асноўным растуць яны ў Брэсцкай, Гродзенскай, Гомельскай і Мінскай абласцях.

Кавуны ўжо не першы год вырошчваюць і на падворак Прэзідэнта. Графік Кіраўніка дзяржавы насычаны, але на тыдні Аляксандру Лукашэнку пасля заканчэння рабочых мерапрыемстваў удалося знайсці час, каб падключыцца да збору ўраджаю. Надвор'е спрыяла працы на зямлі.

З камандай памочнікаў пачалі як раз з уборкі бахчавых. Кіраўнік дзяржавы не раз адзначаў: праца на зямлі для яго - выдатная магчымасць трохі адысці ад штодзённых клопатаў. А клопаты на прысядзібным участку - занятак з падвойнай карысцю: і ўраджай сабраць, і выдатная фізічная нагрузка. У полі побач з Аляксандрам Лукашэнкам былі і тыя, хто штодня працуе разам з Кіраўніком дзяржавы. Працаваць вось так, разам, ужо стала добрай традыцыяй. Сабралі 42 тоны спелых кавуноў. І гэта толькі з аднаго поля.

Сельгасработы на падворку Прэзідэнта прадоўжацца. Тут жа на месцы з памочнікамі вырашылі пакаштаваць кавуны. Ягады аказаліся вельмі салодкімі і сакавітымі. Гарачыя дні жніўня пайшлі на карысць бахчавым - дадалі густу і водару. На прэзідэнцкім полі паспеў і ўраджай другога хлеба. Убіралі бульбу сартоў "каралева Ганна", "саціна" і "ўладар". Апошні выведзены беларускімі аграномамі, другія два - нямецкай селекцыі. Вырошчваюцца не першы год, плюс да ўсяго навукоўцы працуюць над паляпшэннем сартоў, адаптуюць да мясцовых умоў.

Нягледзячы на часткова засушлівае лета год выдаўся бульбяным. Вось і на прэзідэнцкім полі атрымалі добры ўраджай - з паўтара гектара сабралі 60 тон клубняў. Ураджайнасць - каля 400 цэнтнераў з гектара. Як і прынята ў добрага гаспадара, бульба адразу ж рассартавалі. Нягледзячы на высокую пасаду і напружаны графік вось так працаваць на зямлі для беларускага Прэзідэнта - звычайная справа.