Персанальная выстава Нікаса Сафронава адкрываецца ў Магілёве

У Магілёўскім мастацкім музеі імя Масленікава адкрываецца персанальная выстава "Мяняючы рэальнасць" знакамітага расійскага мастака Нікаса Сафронава

Экспануецца больш за 70 жывапісных і графічных работ. Гэта пейзажы, нацюрморты, партрэты, сюжэтныя сюррэалістычныя кампазіцыі. Таксама на суд наведвальнікаў прапануюць работы з уласнага напрамку Нікаса Сафронава Dream Vision, што абапіраецца на класічны жывапіс з дабаўленнем сучасных тэхналогій. На сценах музея будуць дэманстравацца праекцыі, якія дапамогуць стварыць ілюзію змянення прасторы.

Выстава Нікаса Сафронава пачне працаваць заўтра і прадоўжыцца да канца сакавіка.