Працягваецца прыём заявак на "Еўрабачанне-2020"

Працягваецца прыём заявак для ўдзелу ў нацыянальным адборы на "Еўрабачанне-2020". Падаць песню можна да 17 студзеня на афіцыйным сайце медыяхолдынга. Фокус-група правядзе перадкастынг кампазіцый і сфарміруе спіс удзельнікаў наступнага этапа праекта - жывога праслухоўвання. Яно запланавана на 27 студзеня. Эксперты вызначаць не больш за 12 фіналістаў нацадбору.
Выніковы гала-канцэрт пройдзе не пазней за 6 сакавіка. Прамую трансляцыю будуць весці тэлеканалы "Беларусь 1" і "Беларусь 24". Прадстаўніка нашай краіны на міжнародным песенным конкурсе вызначаць шляхам галасавання гледачоў і журы. Нагадаем, "Еўрабачанне-2020" адбудзецца ў маі ў Ратэрдаме (Нідэрланды).