Мабільны каток ля Палаца спорту адкрыў сезон

Ледніковы перыяд у горадзе. Новы сезон адкрылі мабільныя каткі ў сталіцы. Адзін з іх у сэрцы Мінска - каля Палаца спорту. Арэна амаль 3 тыс. квадратаў штодзень прымае каля сотні чалавек. Для пачаткоўцаў заняткі па фігурным катанні. А ў дапамогу амаль 20 навучальных станкоў. Па традыцыі каля катка працуюць і пункты пракату. У асартыменце амаль тысяча пар усіх памераў. Кошт каля 6 рублёў.

За дзень цэнтральны каток горада праводзіць 14 сеансаў. Кожны доўжыцца 45 хвілін. Ледніковая пляцоўка штодзень прымае з 10:00 да 24:00. Працягнецца сезон катання да лютага.