2021 год пройдзе ў СНД пад старшынствам Беларусі

2021 год пройдзе пад старшынствам Беларусі. Такое рашэнне прынята напярэдадні Саветам кіраўнікоў дзяржаў СНД.

У нашых прыярытэтах умацаванне інтэграцыйных механізмаў на постсавецкай прасторы. На саміце беларускі лідар назваў гэта непазбежнай неабходнасцю, бо толькі з поўным раскрыццём патэнцыялу супрацоўніцтва паміж краінамі можна гаварыць пра выгаду. Увага будзе сканцэнтравана на ўзмацненні ролі Садружнасці для паляпшэння ўзроўню жыцця насельніцтва, на вырашэнні праблем, выкліканых глабалізацыяй і новымі выклікамі сучаснасці.

Асноўны акцэнт беларускі бок плануе зрабіць на развіццё агульнай эканамічнай прасторы, лібералізацыю гандлю, скарачэнне да мінімуму абмежаванняў і вынятак, а таксама ліквідацыю тэхнічных бар'ераў і ўніфікацыю правіл дзяржзакупак. У спісе задач застаецца і фарміраванне агульных рынкаў тавараў і паслуг.

Беларусь мае намер працягнуць удасканаленне скаардынаванай транспартнай палітыкі, пошук канкрэтных рашэнняў па пастаўках энергарэсурсаў. А таксама прадоўжыць працу па актывізацыі інвестдзейнасці, пашырэнні прамысловай кааперацыі і пошуку агульных пунктаў эканамічнага росту. Канцэпцыю свайго старшынства Беларусь апублікуе крыху пазней. Наступны саміт СНД пройдзе 15 кастрычніка ў Мінску.