24 лютага заключны дзень датэрміновага галасавання

Сёння заключны дзень датэрміновага галасавання. Разам вызначаны арыенціры будучыні.

Выбіраем дэпутатаў Палаты прадстаўнікоў і мясцовых саветаў. У такім фармаце электаральная кампанія ў Беларусі праходзіць упершыню. Па выніках чатырох дзён датэрміновага галасавання яўка склала крыху больш за 33,5 %.

Датэрмінова аддаць свой голас можна і сёння. Участкі будуць адкрытыя з 12:00 да 19:00. А заўтра, у асноўны дзень галасавання, с 8:00 да 20:00.

Падрабязней пра ход выбараў з 25 лютага будзем даведвацца з інфармацыйнага цэнтра ЦВК. Днём ён адкрыецца ў Палацы Рэспублікі. На пытанні журналістаў адкажа Ігар Карпенка. Там жа будуць прысутнічаць міжнародныя назіральнікі. Іх у Беларусі акрэдытавана 294.

Асноўны дакумент пры галасаванні - пашпарт. Пры гэтым можна выкарыстаць ID-карту, студэнцкі білет або вадзіцельскае пасведчанне. Ёсць магчымасць прагаласаваць не па месцы рэгістрацыі, а па месцы фактычнага пражывання. Для гэтага сёння яшчэ можна звярнуцца ў сваю ўчастковую камісію.

Тыя выбаршчыкі, якія не могуць прыйсці на выбарчы ўчастак 25 лютага па стане здароўя або іншай уважлівай прычыне, маюць права прагаласаваць дома. Заяўку таксама трэба пакінуць загадзя.