30 гадоў Садружнасці Незалежных Дзяржаў

Пагадненне, якое змяніла ход гісторыі і жыццё сотняў мільёнаў чалавек. У гэты дзень 30 гадоў таму ў Віскулях быў падпісаны дакумент, які паставіў кропку ў існаванні Савецкага Саюза.

Ён паклаў пачатак Садружнасці Незалежных Дзяржаў. Гэта стала тым выратавальным кругам, які дапамог краінам захаваць сувязі і выйсці на новы ўзровень інтэграцыі. Прэзідэнт Беларусі, старшыня Савета кіраўнікоў дзяржаў СНД Аляксандр Лукашэнка павіншаваў лідараў Садружнасці, а таксама старшыню Выканаўчага камітэта - выканаўчага сакратара Садружнасці Сяргея Лебедзева з 30-годдзем арганізацыі.

Эканоміка - ключавая тэма інтарэсаў Беларусі ў СНД. Паспяховасць узаемадзеяння ў такіх сферах, як энергетыка, транспарт, гандаль, прамысловасць, развіццё інавацый на рынку ёмістасцю ў 280 мільёнаў чалавек. Старшынства нашай дзяржавы было актыўным ва ўсе гады, як і ў 2021-м. Усе агучаныя ініцыятывы аб'ядноўвае агульная ідэя - глыбокая і прадуктыўная інтэграцыя.

Як тое, што само сабою разумеецца, ўспрымаем мы спрошчаны парадак узаемных паездак грамадзян, узаемнае прызнанне дакументаў аб адукацыі, магчымасць атрымліваць пенсіі пры пераездзе, разлічваць на бясплатную экстранную дапамогу. Але ўсё гэта - дамоўленасці ў рамках СНД.