А. Лукашэнка наконт сітуацыі з мігрантамі: Гуманітарная катастрофа на мяжы

Гуманітарнай катастрофай Аляксандр Лукашэнка назваў сітуацыю з мігрантамі на мяжы з ЕС. Становішча наўмысна пагаршаецца за кошт дзеянняў пагранведамстваў сумежных краін. Як на гэта рэагаваць, Прэзідэнт абмеркаваў з сілавым блокам.

Кіраўніцтва шэрагу краін прамым тэкстам абвінавачвае Беларусь у арганізацыі крызісу. Такі паклёп - нікчэмная спроба адвесці ўвагу ад абуральных фактаў парушэння правоў бежанцаў тымі, хто абяцаў ім абарону. Толькі за тыдзень зафіксаваны спробы выціснуць у нашу краіну з ЕС больш чым 150 груп мігрантаў. Гэта 2 300 чалавек. Беларусь прадоўжыць аказваць пасільную дапамогу тым, хто апынуўся ў бядзе.

Найважнейшым пытаннем застаецца абарона ўласных межаў. Кіраўніцтва сумежных краін, па словах Аляксандра Лукашэнкі, узяло курс на канфрантацыю з Беларуссю. Падстаў для турботы нямала. Мы назіраем актыўныя трэніроўкі прама каля нашых межаў. Польшча сцягвае 250 танкаў, набытых у ЗША. Ва Украіне праходзяць вучэнні з удзелам краін НАТА. Фактычна ідзе асваенне стратэгічнага плацдарма сіламі ЗША і НАТА.