А. Лукашэнка: АДКБ неабходна агульная пазіцыя па Афганістане

Прэзідэнт Беларусі сёння бярэ ўдзел у нечарговай сесіі Савета калектыўнай бяспекі АДКБ, прысвечанай Афганістану. Мерапрыемства праводзіцца ў рэжыме відэаканферэнцыі.

У цэнтры ўвагі сітуацыя ў Афганістане і яе ўплыў на бяспеку дзяржаў - членаў АДКБ. Сесія праходзіць пад старшынствам прэзідэнта Таджыкістана. Ад Беларусі ў відэасаміце таксама бяруць удзел дзяржаўны сакратар Савета бяспекі Аляксандр Вальфовіч, міністр замежных спраў Уладзімір Макей і начальнік Генеральнага штаба Узброеных Сіл - першы намеснік міністра абароны Віктар Гулевіч. Мерапрыемства праводзіцца па ініцыятыве Расіі. Акрамя кіраўнікоў краін АДКБ удзел у саміце прымае і прэзідэнт Узбекістана Шаўкат Мірзіёеў.

У сваім выступленні беларускі лідар абазначыў праблему мігрантаў і бежанцаў з Афганістана і расказаў аб інцыдэнце з афганцамі на мяжы з Польшчай. Таксама Аляксандр Лукашэнка заявіў аб неабходнасці выпрацаваць агульную пазіцыю па Афганістане.

У АДКБ уважліва адсочваюць развіццё падзей на таджыкска-афганскай мяжы. Галоўнай мэтай арганізацыі зараз застаецца гарантаванне бяспекі дзяржаў - членаў АДКБ. Прыярытэт у дзейнасці арганізацыі пры гэтым па-ранейшаму аддаецца палітыка-дыпламатычным сродкам. У той жа час ужо пачата непасрэдная падрыхтоўка да вучэнняў Калектыўных сіл АДКБ, якія ў найбліжэйшыя месяцы пройдуць ля таджыкска-афганскай мяжы.