А. Лукашэнка павіншаваў Башара Асада з перавыбраннем на пасаду прэзідэнта Сірыі

Прэзідэнт Беларусі Аляксандр Лукашэнка ад імя беларускага народа і сябе асабіста павіншаваў Башара Асада з перавыбраннем на пасаду прэзідэнта Сірыі. Кіраўнік дзяржавы адзначыў, што перамога на выбарах - сведчанне прызнання бясспрэчнага аўтарытэту Асада як нацыянальнага лідара, які ўпэўнена абараняе сваю краіну ад знешняга ўмяшання і змагаецца за ўсталяванне міру і стабільнасці ў Сірыі. Аляксандр Лукашэнка падкрэсліў, што Беларусь была і застанецца сябрам сірыйскага народа. Нагадаем, па выніках прэзідэнцкіх выбараў у Сірыі дзеючы кіраўнік дзяржавы Башар Асад абраны на яшчэ адзін сямігадовы тэрмін. Падтрымку лідару выказалі больш за 95 % выбаршчыкаў.