А. Лукашэнка запрасіў прэм'ер-міністра Індыі ў Беларусь

Стымулам для развіцця адносін Беларусі і Індыі стаў бы візіт прэм'ер-міністра Індыі ў нашу краіну. Пра гэта заявіў Прэзідэнт Аляксандр Лукашэнка на сустрэчы з паслом Сангітай Бахадур, якая завяршае дыпмісію ў Беларусі. Вопытны дыпламат, на розных пасадах працавала ў Іспаніі, Балгарыі, Мексіцы, Вялікабрытаніі. У нашай краіне ў якасці пасла з сакавіка 2018. І ўвесь гэты час актыўна садзейнічала прасоўванню дыялогу. Індыя - уплывовы глабальны гулец і член некалькіх буйных міжнародных арганізацый - уяўляе цікавасць для нашай краіны як надзейны і перспектыўны эканамічны партнёр. У сваю чаргу Беларусь пазіцыянуе сябе як краіна, якая гарантуе ўсялякае садзейнічанне і падтрымку ў прасоўванні індыйскай прысутнасці ў эканамічнай прасторы Еўропы і Азіі. За амаль 3 дзесяцігоддзі дыпадносін нам удалося зрабіць вялікі рывок. Вядома, на шматлікіх планах адбілася пандэмія. Тым самым трыгерам, каб хутка вярнуцца да рэалізацыі вызначаных праектаў, павінен стаць абмен візітамі на вышэйшым узроўні. Усе падрабязнасці ў Ілоны Красуцкай.

Так 3 гады таму пасол Індыі ў Беларусі давала інтэрв'ю журналістам з нагоды старту сваёй місіі. Здавалася б, у Палацы Незалежнасці сёння дзень рэвізіі двухбаковых адносін. Але толькі Сангіта Бахадур на гэтай пасадзе дае фінальныя каментарыі. Яна завяршае працу ў нашай краіне. Расставацца, вядома, заўсёды крыху сумна. Але шкадаванне можа быць толькі з-за таго, што прыйдзецца з'ехаць. У плане працы выключны пазітыў: удалося дасягнуць шмат.

Нязменны атрыбут такога развітання - цёплая сустрэча ў Кіраўніка дзяржавы. Індыйскі пасол актыўна садзейнічала прасоўванню дыялогу. Партнёрства паміж Беларуссю і Індыяй развіваецца планамерна, з'яўляюцца новыя праекты. Пабудаваны палітычны падмурак, няма рознагалоссяў у міжнародным парадку дня. А добрыя зачыны ў эканоміцы дапамаглі без глабальных страт прайсці пандэмійны перыяд. Вядома, з-за каранавіруса не ўсе праекты ўдалося рэалізаваць. Каб выправіць гэту сітуацыю, бакі робяць такую вялікую стаўку на дыялог на вышэйшым узроўні.

Аляксандр Лукашэнка тройчы быў у Дэлі - у 1997 годзе, 2007 і праз 10 гадоў. А упершыню 6 гадоў таму гімн Індыі гучаў у атрыуме Палаца Незалежнасці. Вывесці супрацоўніцтва на прынцыпова новы ўзровень было ключавой задачай для кожнага візіту. І як мы бачым, добры зачын дапамог нам выстаяць найскладанейшы 2020.

Тавараабарот паміж краінамі перавысіў паўмільярда долараў. І нават ёсць рост, хай і невялікі, у цяперашніх умовах гэта сапраўднае дасягненне. Куды большыя магчымасці абяцае стварэнне зоны свабоднага гандлю Індыі з Еўразійскім эканамічным саюзам.

Аснова нашага экспарту ў Індыю - калійныя ўгнаенні, грузавікі і прадукцыя спецпрызначэння. Літаральна днямі Беларуская калійная кампанія падпісала чарговы кантракт на пастаўкі ўгнаенняў у Індыю. Зараз прадаем даражэй - па 280 долараў за тону.

А ў БелАЗа заказ на пастаўку 96 кар'ерных самазвалаў грузападымальнасцю 220 тон. Попыт на вугаль высокі, патрэбна надзейная тэхніка для перавозкі карысных выкапняў у няпростых умовах. Як вынік - у 2020 годзе БелАЗ паставіў у Індыю 77 кар'ерных самазвалаў грузападымальнасцю 136 тон. Больш за палову сабраныя і ўжо эксплуатуюцца ў вугальных кар'ерах. І вось з пачатку гэтага года свежыя дамоўленасці.

У рамках інвестыцыйнага супрацоўніцтва ў Беларусі рэалізуюцца тры праекты з удзелам Індыі ў сферы фармацэўтыкі. Гэтая вытворчасць лекаў для лячэння раку, сухот, супрацьпухлінных прэпаратаў. Прапрацоўваюцца магчымасці паставак беларускай спецтэхнікі і абсталявання.

Індыя да таго ж уплывовы глабальны гулец. Удзельнік "Вялікай дваццаткі", БРІКС і Шанхайскай арганізацыі супрацоўніцтва. У апошняй Беларусь назіральнік. У той час калі сістэма глабальнай бяспекі трашчыць па швах, (летась мы гэта адчулі на сабе і дагэтуль працягваем) новыя фарматы ўзаемадзеяння патрэбныя як ніколі. А у плане эканамічнага ўзаемадзеяння і так усё зразумела. З кожным з удзельнікаў арганізацыі ў Беларусі добрыя адносіны, дадатковыя дывідэнды прыносяць нашы транзітныя і прамысловыя магчымасці.

Як ні круці, галоўнае зараз ва ўсім - эканоміка. Напярэдадні візітаў на вышэйшым узроўні і дыпкорпусу, і іншым спецыялістам прыйдзецца зрабіць каласальную працу. Беларусь заўсёды бярэ адказнасць за выкананне ўзятых на сябе абавязацельстваў. Нашага партнёра мы падтрымаем і на міжнародных пляцоўках, і ў пытаннях прасоўвання прысутнасці на рынках.