А. Лукашэнка прыняў удзел у саміце кіраўнікоў дзяржаў АДКБ

"АДКБ неабходна агульная пазіцыя па Афганістане". Аб гэтым заявіў Прэзідэнт Беларусі на саміце кіраўнікоў дзяржаў арганізацыі. Мерапрыемства праводзілася ў рэжыме відэаканферэнцыі.

У цэнтры ўвагі лідараў краін арганізацыі - сітуацыя ў Афганістане і яе ўплыў на бяспеку дзяржаў - членаў АДКБ. Сесія прайшла пад старшынствам Прэзідэнта Таджыкістана. Акрамя лідараў краін АДКБ, удзел у саміце прыняў і Прэзідэнт Узбекістана Шаўкат Мірзіёеў.

У сваім выступленні Аляксандр Лукашэнка пазначыў праблему мігрантаў і бежанцаў з Афганістана і распавёў аб інцыдэнце з афганцамі на мяжы з Польшчай, дзе ўжо некалькі дзён на нейтральнай тэрыторыі больш за 50 афганцаў жывуць у нечалавечых умовах.

Прэзідэнт запэўніў: нягледзячы на тое, што Беларусь не знаходзіцца геаграфічна побач і не мяжуе з Афганістанам, краіна будзе прытрымлівацца ўзгодненай агульнай пазіцыі ў рамках АДКБ. Гэту пазіцыю зараз і неабходна выпрацаваць.

У Беларусі насцярожана і ўважліва назіраюць за тым, што адбываецца ў Афганістане. Па меркаванні беларускага лідара, сітуацыю неабходна ацэньваць без эмоцый, максімальна рэальна і адэкватна. Таксама Аляксандр Лукашэнка не выключае размяшчэннеамерыканскай арміі ў суседніх з Афганістанам краінах. Гэтая тэма заслугоўвае дбайнага вывучэння з пункту поглядубяспекі.

У АДКБ уважліва адсочваюць і развіццё падзей на таджыкска-афганскай мяжы. Галоўнай мэтай арганізацыі зараз застаецца гарантаванне бяспекі дзяржаў - членаў АДКБ. Прыярытэт у дзейнасці арганізацыі пры гэтым па-ранейшаму аддаецца палітыка-дыпламатычным сродкам. У той жа час ужо пачалася падрыхтоўка да вучэнняў Калектыўных сіл АДКБ, якія ў найбліжэйшыя месяцы пройдуць ля таджыкска-афганскай мяжы.