А. Лукашэнка прыняў удзел у саміце АДКБ

АДКБ неабходна агульная пазіцыя па Афганістане. Гэта заявіў Прэзідэнт Беларусі на саміце кіраўнікоў дзяржаў арганізацыі. Мерапрыемства праводзілася сёння ў фармаце відэаканферэнцыі. У цэнтры ўвагі лідараў сітуацыя ў Афганістане і яе ўплыў на бяспеку дзяржаў - членаў АДКБ. У сваім выступленні Прэзідэнт Беларусі абазначыў праблему мігрантаў і бежанцаў з Афганістана і расказаў пра інцыдэнт з афганцамі на мяжы з Польшчай. Таксама Аляксандр Лукашэнка заявіў аб неабходнасці выпрацаваць агульную пазіцыю па Афганістане.

У Беларусі насцярожана і ўважліва назіраюць за тым, што адбываецца ў Афганістане. На думку Аляксандра Лукашэнкі, сітуацыю неабходна ацэньваць без эмоцый, максімальна рэальна і адэкватна. Таксама Прэзідэнт не выключае размяшчэння амерыканскай арміі ў суседніх з Афганістанам краінах. Гэтая тэма заслугоўвае дбайнага вывучэння з пункту погляду бяспекі. Пазіцыю Беларусі падзяляе і расійскі бок, які таксама лічыць размяшчэнне войскаў ЗША ў зоне адказнасці АДКБ непрымальным.