А. Лукашэнка прыняў удзел у саміце АДКБ

"АДКБ неабходна агульная пазіцыя па Афганістане", - аб гэтым напярэдадні заявіў Прэзідэнт Беларусі на саміце кіраўнікоў дзяржаў арганізацыі. Мерапрыемства праводзілася ў рэжыме відэаканферэнцыі.

У цэнтры ўвагі лідараў краін арганізацыі - сітуацыя ў Афганістане і яе ўплыў на бяспеку дзяржаў - членаў АДКБ. Сесія прайшла пад старшынствам прэзідэнта Таджыкістана.

У сваім выступленні Аляксандр Лукашэнка абазначыў праблему мігрантаў і бежанцаў з Афганістана і распавёў аб інцыдэнце з афганцамі на мяжы з Польшчай, дзе ўжо некалькі дзён на нейтральнай тэрыторыі больш чым 50 бежанцаў жывуць у нечалавечых умовах.

Прэзідэнт запэўніў: нягледзячы на тое, што Беларусь не знаходзіцца геаграфічна побач і не мяжуе з Афганістанам, краіна будзе прытрымлівацца ўзгодненай агульнай пазіцыі ў рамках АДКБ. Гэтую пазіцыю зараз і неабходна выпрацаваць. Сітуацыю ацэняць без эмоцый, максімальна рэальна і адэкватна. Таксама Аляксандр Лукашэнка не выключае размяшчэння амерыканскай арміі ў суседніх з Афганістанам краінах. Гэта тэма заслугоўвае дбайнага вывучэння з пункту погляду бяспекі.