Аляксандр Лукашэнка: Беларусь і Расія значна прасунуліся ў вырашэнні набалелых пытанняў

Прэзідэнт Аляксандр Лукашэнка сёння сустрэўся з прэм'ер-міністрам Расіі Міхаілам Мішусціным. У размове бакі пацвердзілі, што атрымалася дасягнуць значнага прагрэсу ў рашэнні набалелых пытанняў. Кіраўнік дзяржавы адзначыў: у яго з прэзідэнтам Расіі ёсць дамоўленасць, што пасля сустрэчы міністраў замежных спраў, якая адбылася напярэдадні, і прыезду ў Мінск Міхаіла Мішусціна ў Маскве пройдзе сустрэча ўжо на ўзроўні кіраўнікоў дзяржаў.

У апошні час мы бачым, як актыўна з боку Захаду ідзе наўмыснае ўмяшанне ва ўнутраныя справы нашай краіны. Зрэшты, асобныя палітыкі робяць шэраг гучных заяў і ў дачыненні да Расіі. Напярэдадні канцлер ФРГ настойліва сцвярджала, што Аляксей Навальны быў атручаны ядам "Навічок", нібы вынікі экспертызы не пакідаюць у гэтым ніякіх сумненняў. Аляксандр Лукашэнка назваў інфармацыю аб атручванні фальсіфікацыяй. Беларускі бок перахапіў размову Варшавы і Берліна.

Падчас сустрэчы абмеркавалі і ўзаемадзеянне ў сферы барацьбы з каранавірусам. Беларусь стане першай краінай, куды Расія паставіць сваю вакцыну ад COVID-19. Дарэчы, яе на сабе выпрабуе беларускі прэм'ер-міністр Раман Галоўчанка.

А ў гэтыя хвіліны працягваюцца яго перамовы з расійскім калегам. На парадку дня - гандлёва-эканамічнае супрацоўніцтва, у тым ліку ў энергетычнай сферы, інтэграцыйныя пытанні Саюзнай дзяржавы. Не пакінуць без увагі і падрыхтоўку да перамоў лідараў Беларусі і Расіі.