Аляксандр Лукашэнка прыняў з дакладам Віктара Шэймана

Аб стане спраў у арганізацыях і прадпрыемствах Упраўлення справамі Прэзідэнта ішла размова на сустрэчы Аляксандра Лукашэнкі з Віктарам Шэйманам. Ён даклаў, што па выніках першага квартала года спрацавалі добра: у плюс выйшлі сельская гаспадарка, прамысловасць, будаўнічая галіна і лесаперапрацоўка. Пазітыўная дынаміка ёсць і ў турыстычнай галіне. Так, санаторый "Юнацтва" выйшаў на паказчыкі дакавіднага перыяду. І ў цэлым санаторыі сістэмы Упраўлення справамі Прэзідэнта дэманструюць нядрэнныя вынікі.

Былі разгледжаныя перспектывы далейшай працы і новыя кірункі. На сустрэчы абмеркавалі таксама супрацоўніцтва з краінамі Афрыкі і Лацінскай Амерыкі. З улікам абстаноўкі, якая складваецца, і ўзмацнення ціску на Беларусь пастаўленая задача актыўнага выхаду на новыя кірункі працы ў афрыканскім, лацінаамерыканскім і азіяцкім рэгіёнах.