А. Лукашэнка прыняў даверчыя граматы паслоў замежных дзяржаў

Толькі беларускі народ мае права вырашаць, якой павінна быць яго будучыня. Аб гэтым напярэдадні заявіў Аляксандр Лукашэнка, прымаючы даверчыя граматы паслоў замежных дзяржаў.

Беларусь поўная рашучасці абараняць суверэнітэт і нацыянальныя інтарэсы. І не прымае ціску звонку. Прэзідэнт запэўніў - наша краіна была і застаецца адданай канструктыўнаму супрацоўніцтву з любымі партнёрамі. А дыялог на міжнароднай арэне важна выбудоўваць на прынцыпах раўнапраўя! Такую пазіцыю беларускі лідар агучыў усім новым кіраўнікам дыпмісій у нашай краіне, а гэта паслы Ірака, Нікарагуа, Руанды, Саудаўскай Аравіі, Сьера-Леонэ. Інтарэсы Расіі ў Беларусі з гэтага часу таксама будзе прадстаўляць новы пасол Яўген Лук'янаў. Мінск і Маскву звязваюць шматгадовыя і стратэгічныя адносіны. Але патэнцыял не вычарпаны, адзначыў Прэзідэнт.

Цырымонія ўручэння даверчых грамат стала сведчаннем таго, што ў Беларусі ёсць сябры на ўсіх кантынентах - упэўнены Прэзідэнт. А кожны кіраўнік дыпмісіі прапануе новыя ідэі для развіцця супрацоўніцтва.