Аляксандр Лукашэнка правёў сустрэчу з кіраўніком Чувашскай Рэспублікі

Беларусь гатова пашыраць кааперацыю і пачынаць новыя праекты з Чувашскай Рэспублікай. Гэта заявіў Прэзідэнт падчас сустрэчы з кіраўніком расійскага рэгіёна Алегам Нікалаевым. Таксама Аляксандр Лукашэнка адзначыў, што Беларусь гатова распрацоўваць і вырабляць усю неабходную лінейку станкоў для металаапрацоўкі. Добра знаёмы Чэбаксарам беларускі транспарт. Наперадзе работа ў аграрным сектары.

Гэта першы візіт Алега Нікалаева ў Беларусь у статусе кіраўніка Чувашскай Рэспублікі. У праграме наведванне прамысловых гігантаў МТЗ, МАЗ і БКМ. Абмеркаваць ёсць што, тавараабарот паміж бакамі расце. За мінулы год ён склаў 122 млн долараў. Беларусь адпраўляе ў Чэбаксары тэхніку, прадукты і бытавую хімію. Нам пастаўляецца электроніка, спецыфічныя тавары і хімічныя прэпараты.