Аляксандр Лукашэнка сустрэўся з палітычным актывам краіны

Адказы на самыя вострыя пытанні, якія дапамогуць лепш сарыентавацца ў палітычнай сітуацыі ўнутры Беларусі і вакол нас. Прэзідэнт сустрэўся з палітычным актывам краіны. У Палацы Незалежнасці сабралася каля 300 удзельнікаў. Гэта вышэйшыя службовыя асобы, дэпутаты і сенатары, кіраўніцтва дзяржорганаў, прадстаўнікі вертыкалі ўлады з усіх абласцей, а таксама кіраўнікі найбуйнейшых СМІ. Цяперашняя грамадска-палітычная сітуацыя - падстава мабілізаваць намаганні кіраўнікоў краіны. У аснове асноў стабілізацыя сітуацыі, падтрыманне правапарадку, гарантаванне бяспекі, устойлівая праца прадпрыемстваў і арганізацый. Аляксандр Лукашэнка адзначыў: разгойдванне сітуацыі ў Беларусі рыхтавалася задаўга да выбараў.

У найбліжэйшыя месяцы будзе ісці падрыхтоўка да Усебеларускага народнага сходу. Ён вызначыць прыярытэты развіцця Беларусі, у тым ліку і задачы канстытуцыйнага будаўніцтва. Ён павінна стаць пляцоўкай агульнанацыянальнага дыялогу і аб'яднаць прадстаўнікоў усіх слаёў грамадства, розных прафесій і сацыяльных груп, дэпутатаў, членаў партый і аб'яднанняў. Што да Канстытуцыі, падрыхтоўка змяненняў у галоўны закон краіны ўжо ў актыўнай стадыі. Яго канчатковы варыянт зацвердзяць на рэспубліканскім рэферэндуме. У цэлым сёння ўзняты шэраг самых важных пытанняў - ад карэкціровак выбарчага заканадаўства, узмацнення ідэалагічнай работы да міжнароднай рыторыкі на фоне сітуацыі пасля выбараў у нашай краіне.