АТН атрымала афіцыйны адказ ад Міжнароднай арганізацыі грамадзянскай авіяцыі

На нарадзе, праведзенай у анлайн-фармаце, у якой прынялі ўдзел урадавыя і авіяцыйныя чыноўнікі з Беларусі, Ірландыі, Літвы і Польшчы, дзяржавы - члены Савета пагадзіліся з тым, што пад кіраўніцтвам ICAO павінна быць праведзена міжнароднае расследаванне па ўстанаўленні фактаў у сувязі з інцыдэнтам, звязаным з рэйсам Афіны - Вільнюс у паветранай прасторы Беларусі 23 мая.

Адзначым, Беларусь неаднаразова прапаноўвала правесці аб'ектыўнае расследаванне з удзелам міжнародных экспертаў. Паспешныя высновы без дбайнага разгляду могуць сур'ёзна нашкодзіць не толькі ў аспекце дыпадносін, але і простым грамадзянам розных краін, якія вымушана становяцца заложнікамі акалічнасцей - падкрэсліваюць у нашай краіне.