"Белагра" падводзіць першыя вынікі

Міжнародная выстава "Белагра", якая праходзіць у індустрыяльным парку "Вялікі камень", падводзіць першыя вынікі. У айчынных машынабудаўнікоў нямала дамоўленасцей. Мінскі трактарны завод падпісаў кантракт на пастаўку тэхнікі ў Судан. У афрыканскую краіну экспартуюць 200 трактароў. Навінкі для ўнутранага рынку прапануе і Гомсельмаш. Так, сельгасарганізацыі Мінскай вобласці закупяць 40 найноўшых камбайнаў самай высокай прадукцыйнасці. Такія машыны абсталяваны сістэмай дакладнага земляробства, што дазваляе аграрыям атрымліваць аптымальныя вынікі.

Ноу-хау і ў холдынга "Амкадор". Так, на заводзе ў Дзяржынску стварылі новы 12-метровы пасяўны агрэгат "Верас". Ужо ёсць папярэдні заказ на паўсотні такіх машын з усёй краіны, а ў перспектыве толькі Мінская вобласць закупіць сотню новых сеялак.

Беларускі аграпрамысловы тыдзень упершыню праходзіць у індустрыяльным парку "Вялікі камень". Пляцоўка сёлета сабрала больш за 400 кампаній з 16 краін свету.