Беларусь гатова да ўзаемавыгаднага партнёрства ў Афрыцы

Супрацоўнічаць у імя народаў. Мабыць, гэта галоўны тэзіс адыходзячых сямі дзён. Беларусь застаецца надзейным партнёрам для Кітая, мае намер паглыбляць супрацоўніцтва з ААЭ і ідзе ў Афрыку як сябар. Міжнародны тыдзень у прэзідэнцкім графіку атрымліваўся вельмі насычаным - чарада візітаў і перамоў у розных частках свету за тысячы кіламетраў ад Мінска.

Але пачнём з паўднёвага вектару. Камфортная і гасцінная Афрыка адчыніла свае дзверы! Сёння гэта хуткарослы рэгіён і кладоўка планеты! На кантыненце, дзе кожны вядучы сусветны гулец імкнецца заслупаваць месца пад сонцам, Беларусь гатова да ўзаемавыгаднага партнёрства. Гэты кантынент спазнаў нямала гора ад асаднікаў і ў гэтым краіны, па сутнасці, роднасныя душы.

Дагэтуль Беларусь не стала пад абцас гора-кіраўнікоў Захаду. Іх безвыходнасць ярка дэманструюць санкцыі, якія, зрэшты, сталі хутчэй стымулам для больш актыўнага развіцця. І гэтае развіццё шукаем там, дзе нам рады. У Экватарыяльнай Гвінеі прайшло некалькі раўндаў перамоў, лідарамі падпісана дарожная карта па развіцці супрацоўніцтва паміж краінамі.

Дзяржавам Афрыкі яшчэ не так даўно па гістарычных мерках прыйшлося адстойваць палітычную незалежнасць - сёння прыйшоў час змагацца за незалежнасць эканамічную. Беларусь прапаноўвае вопыт у сельскай гаспадарцы, кампетэнцыі ў будаўніцтве, навучанне спецыялістаў і шмат чаго яшчэ. Вынікі перамоў і каларытныя падрабязнасці ў афрыканскім рэпартажы Наталлі Брэвус (відэа).